കെ.സി.പിള്ള സ്മാരക സാഹിത്യ അവാർഡ്

കഴിഞ്ഞ വര്‍ഷം തുടക്കം സങ്കടങ്ങളുടെതായിരുന്നു . ഈ വര്‍ഷത്തിലെ ആദ്യത്തെ സന്തോഷം നവയുഗം എനിക്ക് സമ്മാനിച്ചിരിക്കുന്നു .കെ സി പിള്ള സര്‍ ന്‍റെ പേരിലുള്ള "കെ.സി.പിള്ള സ്മാരക സാഹിത്യ അവാർഡ്" കവിതയിലൂടെ എന്നെയും തേടി ഒരിക്കല്‍ക്കൂടി വന്നിരിക്കുന്നു .എഴുത്തിന്റെ വഴിയില്‍ വീണ്ടും ഒരു തീപ്പൊരി എനിക്കായ് നീട്ടിയിരിക്കുന്നു .കഥ കവിത വിഭാഗങ്ങളില്‍ പുരസ്കാരം പങ്കിട്ട എല്ലാ സൌഹൃദങ്ങള്‍ക്കും ഹൃദയപൂര്‍വ്വം ആശംസകള്‍ നേരുന്നു.

എഴുത്തുകാരനായ തമ്പാനൂർ ചന്ദ്രശേഖരൻ, സാഹിത്യനിരൂപകനായ പ്രൊഫ: വിശ്വമംഗലം സുന്ദരേശൻ, കവി കാര്യവട്ടം ശ്രീകണ്ഠൻ നായർ, പ്രവാസി എഴുത്തുകാരൻ ബെൻസിമോഹൻ എന്നിവർ ഉൾപ്പെട്ട അവാർഡ് ജഡ്ജിങ് പാനലാണ് വിജയികളെ തെരെഞ്ഞെടുത്തത്.

സാഹിത്യവഴിയില്‍ സൌദിപ്രവാസികള്‍ക്ക് നവയുഗം പകര്‍ന്നു തരുന്ന ഉര്‍ജ്ജം വലുതാണ്.കല കായികം ജീവകാരുണ്യം സാഹിത്യം എന്നിവയി ലെല്ലാം നവയുഗം അവരുടെതായ വഴിയില്‍ എന്നും മുന്നില്‍ത്തന്നെയുണ്ട്‌ എന്നത് തെളിയിച്ചിട്ടുണ്ട്.
2015 മുതലാണ് നവയുഗം കോബാർ മേഖല കമ്മിറ്റി, പ്രവാസിസാഹിത്യകാരന്മാരെ പ്രോത്സാഹിപ്പി യ്ക്കുക എന്ന ലക്ഷ്യത്തോടെ കെ.സി.പിള്ള സ്മാരക സാഹിത്യഅവാർഡുകൾ ഏർപ്പെടുത്തിയത്.

"സർഗ്ഗപ്രവാസം-2017" ഫെബ്രുവരി 2 വെള്ളിയാഴ്ച വൈകുന്നേരം 3 മണി മുതൽ , ദമ്മാം നുസൈഫ്‌ ഹാളിൽ വെച്ച് അരങ്ങേറും.പ്രശസ്ത മലയാളക വിയും, ഗാനരചയിതാവുമായ ശ്രീ. പി.കെ.ഗോപി ഉത്‌ഘാടനം ചെയ്തു.

കെ സി പിള്ള സാഹിത്യ പുരസ്കാരം 2016

സാഹിത്യനിരൂപകനും എഴുത്തുകാരനുമായ പ്രൊഫ: വിശ്വമംഗലം സുന്ദരേശൻ, എഴുത്തുകാരനായ തമ്പാനൂർ ചന്ദ്രശേഖരൻ, കവിയും അദ്ധ്യാപകനുമായ കാര്യവട്ടം ശ്രീകണ്ഠൻ നായർ എന്നിവർ ഉൾപ്പെട്ട അവാർഡ് ജഡ്ജിങ് പാനലാണ് വിജയികളെ തെരെഞ്ഞെടുത്തത്. മത്സരത്തിന് ലഭിച്ച ചെറുകഥകളുടെയും കവിതകളുടെയും ഉന്നതനിലവാരം തങ്ങളെ അത്ഭുതപ്പെടുത്തിയതായും, മലയാള സാഹിത്യത്തിൽ തങ്ങളുടേതായ മുദ്ര പതിപ്പിയ്ക്കാൻ കഴിവുള്ള പ്രതിഭകൾ പ്രവാസലോകത്ത് ഉണ്ടെന്ന് മനസ്സിലാക്കുന്നതിൽ ഏറെ സന്തോഷമുണ്ടെന്നും അവാർഡ് കമ്മിറ്റി അഭിപ്രായപ്പെട്ടു.

___________________________________________________

തൃശ്ശൂര്‍ സ്വദേശിയായ സോണി ഡിത്ത് ഒൻപതു വർഷമായി സൗദിയിൽ പ്രവാസിയാണ്. ആനുകാലികങ്ങളിലും, ഓൺലൈൻ പോര്ട്ടലുകളിലും, സോഷ്യല് മീഡിയയിലും കവിത, ലേഖനങ്ങൾ എന്നിവ എഴുതാറുണ്ട്. ഈസ്റ്റ് കോസ്റ്റ് ഫേസ്ബുക്ക് പ്രണയഗാനങ്ങളില് നിന്നും തിരഞ്ഞെടുത്ത് “നിന്നെവായിക്കുവാന് “എന്നപേരില് പുറത്തിറക്കിയ ആല്ബത്തിലെ ഒരു ഗാനം സോണി ഡിത്തിന്റേതാണ്. കൂടാതെ ഈസ്റ്റ് കോസ്റ്റ് നടത്തിയ “മൈ ബോസ്സ് “സിനിമാ പ്രൊമോഷന് കവിത മത്സരത്തില് പ്രോത്സാഹന സമ്മാനം, ഖത്തീഫ് നവോദയ കനവ്2015 “ലെ ഒരു വിജയി, കവിയും ഗാനരചയിതാവുമായ ശ്രീ PT അബ്ദുറഹ്മാന് സാഹിബ് കവിതാപുരസ്കാരം, ശ്രീ ഓ എന് വി അനുസമരണ കവിതാ മത്സരത്തില് ഫസ്റ്റ് റണ്ണറപ്പ് സ്ഥാനം എന്നിവയൊക്കെ നേടിയിട്ടുള്ള സോണിഡിത്ത്, 2016 ലെ കവിതയ്ക്കുള്ള കെ സി പിള്ള സ്മാരക സാഹിത്യ പുരസ്കാര ജേതാവുമാണ്.രചനവൈഭവം കൊണ്ട് വിധികർത്താക്കളെ അമ്പരപ്പിച്ച,”അവധൂതന്റെ പാട്ട്” എന്ന കവിതയ്ക്കാണ് ഇത്തവണ രണ്ടാം സ്ഥാനം നേടിയിരിയ്ക്കുന്നത്.
_________________________________

കല സാഹിത്യം ജീവകാരുണ്യം എന്നീ മേഖലകളില്‍ നിക്ഷ്പക്ഷമായി പ്രോത്സാഹനവും ഇടപെടലുകളും നടത്തുന്നതില്‍ നവയുഗം എന്നും മുന്നില്‍ത്തന്നെ .നന്ദി നവയുഗം ഈ പ്രോത്സാഹനങ്ങള്‍ക്ക് . എഴുത്തില്‍ ആത്മാര്‍ഥമായി കൂടെ നില്‍ക്കുന്ന എല്ലാ കൂട്ടുകാര്‍ക്കും സന്തോഷവും നന്ദിയും പങ്കുവയ്ക്കുന്നു .കൂടാതെ പുരസ്കാരത്തിനര്‍ഹരായ എല്ലാ പ്രിയ സൌഹൃദങ്ങള്‍ക്കും എന്‍റെയും ആശംസകള്‍ .

രാജത്തെരുവ്

തെരുവ്  ഒരു  രാജ്യമാണ് 

തോറ്റവന്റെ  വിശാലമായ  മേല്‍ക്കൂരകള്‍ 

രാത്രിയതിന്റെ നക്ഷത്രങ്ങള്‍ കൊണ്ടലങ്കരിക്കുന്ന രാജ്യം .

ഒരു  കോപ്പ  വെള്ളവും 

പാതിവയര്‍ നിറയാന്‍  ഒരപ്പത്തിന്‍റെ അരികും  തരിക 

ഞങ്ങളുടെ കണ്ണുകളിലെ ചിരികാണുക  എന്നവരുടെ  

മുദ്രാവാക്യങ്ങള്‍ .

ആകാശവും  സൂര്യനും  ആദ്യം  തൊടുന്നത്  അവരെയാണ് 

ഭാഗ്യത്തിന്റെ  കറുത്ത  അക്ഷരമാണ്  അവരുടെ രാജമുദ്ര .

കെട്ടുപോയ ഒരു  സൂര്യനാണ്  

അവന്റെ  രാജ്യത്തിന്‍റെ പതാകയുടെ  

ഒത്ത  നടുക്ക് .

ജനത്തിന്‍റെ കുതിരകള്‍  ചിനയ്ക്കുമ്പോള്‍ 

കൈ  നീട്ടുന്നിടം മാറിയൊതുങ്ങണം എന്നവരുടെ  ജ്ഞാനോദയങ്ങള്‍ .

തെരുവിന്‍റെ രാജാവിനെ  ജനങ്ങള്‍  ഭരിക്കുന്ന  ജനാതിപത്യമാണ് !

ഭ്രാന്തന്റെ  പാട്ടും നാടോടിയാട്ടവും 

ചാക്കുനൂല്‍ തൊങ്ങലുകളോടെ ആര്‍ഭാടത്തെയ്യങ്ങളും  

അവന്റെ  സദസ്സിലെ അലങ്കാരചിലബുകളനക്കുന്നു .  . 

നാണയക്കനമില്ലാത്തവന്റെ ഖജനാവിലെ സമാധാനം  

അവന്റെ  കൂടെയാണ്  വാസം .

അവന്റെ  രാജകുമാരികള്‍  സുന്ദരികളെങ്കിലും 

അഴുക്കു  കൊണ്ട്  മെയ്യെഴുതിയവര്‍ എന്നും 

വേഷം  മാറി  നടക്കുന്നു .

ആഴമുള്ള  കണ്ണുകള്‍കൊണ്ടവര്‍  

നമുക്കിടയിലൂടെ  സഞ്ചരിച്ചു കൊണ്ടേയിരിക്കുന്നു .

ഒറ്റക്കാലണയുടെ  ചിരികൊണ്ട്  

അവരുടെ  വിശപ്പുകള്‍ അടയുന്നേയില്ല .

മുടിയുടെ  കടുംകെട്ടുകളില്‍ ഇടയ്ക്കിടെ 

വിരലുകള്‍  ഉടക്കുമ്പോള്‍

വിശപ്പിനേക്കാളും വെറുപ്പിനെക്കാളും വലിയൊരു വേദനയും  

ഞങ്ങള്‍  അറിയുന്നില്ലെന്നവര്‍ 

നിര്‍വികാരതയെ കുടഞ്ഞെടുക്കുന്നു .

ദേശങ്ങള്‍  കാലങ്ങള്‍ കാതങ്ങള്‍ താണ്ടുമ്പോഴും 

അവരുടെ  രാജ്യം  അസ്തമിക്കുന്നില്ല ,

കറുത്തസൂര്യന്റെ  രാജ്യമെണ്ണ്‍  പേരുകേട്ട  രാജജനത !

പടയൊരുക്കങ്ങളില്ല പടപ്പുറപ്പാടുകളുമില്ല

ഇരിപ്പിടമോ വിളക്കോ ഇല്ല ,

ഉള്ളതോ  ,

ഭൂമിയുടെ ചൂടും തണുപ്പും 

പിന്നെയാ മൂന്നാമത്തെ ചുവടിനെ  സ്വീകരിക്കുവാനുള്ളോരാ  ശിരസ്സും .

ആകാശം  നക്ഷത്രങ്ങള്‍ കുരുങ്ങിയ  ഒരു  വലപോലെ 

രാത്രിയില്‍  അവര്‍ക്ക്  മീതെ ,നിലാവിനെ  നിശ്വസിക്കുന്നു . 

വെയിലിന്‍റെ സന്തതികളെ  തന്‍റെ തണുപ്പറിയിക്കുന്നതില്‍  

പരാജപ്പെട്ടു  കൊണ്ടെന്നുമത് മടങ്ങിപ്പോകുന്നു .

ഓരോ പകലിലും  ഒളിച്ചിരിക്കുന്നു .

മങ്ങലേറ്റ  കണ്ണാടികളില്‍  മുഖം  നോക്കുന്ന  രാജാക്കന്മ്മാര്‍ 

തെളിച്ചമില്ലായ്മയുടെ  തെളിച്ചത്തെ പ്രതിരൂപമെന്നു  കാണുന്നു .

അവരുടെ  ചുവരുകളില്‍  നിഴലില്ല  നിലാവുമില്ല 

ദൈവങ്ങളെല്ലാം  ഒളിച്ചോടിയവരുടെ രാജ്യമാണ്  അവരുടേത് !

കാലം കരുണയില്ലാത്ത നുകം  ചേര്‍ത്ത് 

ഉഴുതുമറിച്ച  ജീവിതത്തില്‍  അവര്‍  

വിശപ്പിന്റെ  ദാഹത്തിന്റെ  വിത്തുകള്‍  കുത്തി  

വിളവെടുക്കുന്നു ,നൂറുമേനി .

തുറമുഖമോ നങ്കൂരമോ ഇല്ലാത്തവരുടെ  കപ്പല്‍ചേദങ്ങളിലൂടെ 

അവരുടെ യാത്രകള്‍  .

കൂട്ടിത്തുന്നാത്ത വലക്കീറുകള്‍ കൊണ്ടവര്‍  

നിന്റെ  രാജ്യത്തെ ജനതയുടെ മറുപാതിയെ മറച്ചു  പിടിക്കുന്നു.

ബോധത്തിന്‍റെ ഏതോ വിരല്‍  

സത്യം  കൊണ്ട് നിങ്ങളെ  തൊട്ടുനോക്കുമ്പോള്‍

ഉടുപ്പികളിലൊക്കെയും ചെളി  പറ്റുന്നെന്നു  

നിങ്ങളതിനെ  ആട്ടിയോടിക്കുന്നു .

അഴുകിയ മനസ്സിനെ 

തിളങ്ങുന്ന പാത്രത്തില്‍  വിളബിവച്ചവന്റെ  വിരുന്നാണ്  

നിന്റെതെന്നു  

ഏതു  നേരിന്‍റെ കൊഴികൂവുമിനിയെന്നവര്‍ 

പിന്നെയും ദേശപിന്നാംമ്പുറങ്ങളിലെ 

കുപ്പിച്ചില്ലുകള്‍  പെറുക്കുന്നു .

നിന്‍റെ ദൈവം ഒരു  കോട്ട് വായിടുന്നു 

കറുത്തരാജ്യത്തിന്‍റെ  വിശപ്പിന്‍റെ പാട്ടുകേട്ട് 

പിന്നെയും  ഉറങ്ങിത്തീര്‍ക്കുന്നു .

____________________________________________

അരുതുകളുടെ ചെങ്കോല്‍

ചോറ്റുപാത്രത്തില്‍ ചാടിക്കയറുന്ന

ചൊറിയന്‍ തവളയാണിന്നു ഫാസിസം.
മതവും രാഷ്ട്രീയവും 
മനുഷ്യരെ ഭക്ഷിക്കുന്ന കാലത്ത് 
തലയ്ക്ക് മുകളില്‍ വാള്‍ തൂങ്ങിയാടാത്ത 
ഒരു സ്വാതന്ത്ര്യവും ഇന്നുനമുക്കില്ല  !

വര്‍ത്തമാനം 

അരുതരുതെന്ന് അലറും പൂതങ്ങളെ  

കെട്ടഴിച്ചു  വിട്ടിരിക്കുന്നു .

ഭാവിയോ  അതില്‍ ആവിയായ്ത്തീരുന്നു .

ദ്രവിച്ചു  തീരുന്നു ,

ബാക്കിയാകാതെ മനുഷ്യഗുണങ്ങളും .

മനുഷ്യനിലെ ചോരയ്ക്ക് പലനിറമല്ലെന്ന് 

പലവട്ടം  തെളിഞ്ഞിട്ടും 

പലതെന്ന് തന്നെ  പിന്നെയും  പിന്നെയും 

പുകയുന്തുന്ന ചൂളകള്‍ പൊന്തുന്നു ചുറ്റിലും 

പകയുന്തുന്ന ജാഥകള്‍ പരസ്പരം മുഷ്ട്ടിചുരുട്ടുന്നു .

അവനെന്നും  ഇവനെന്നും 

എന്‍റെയും നിന്റെയും ചൂണ്ടുവിരല്‍ ക്കടയുന്നു ,

ചോരമണക്കുന്ന  അതിപുരാതന  ചിത്രങ്ങള്‍  

വീണ്ടും തെളിയുന്നു .

നമ്മുടെ  സന്തോഷങ്ങളിലോക്കെയും 

അരുതുകളുടെ കട്ടുറുമ്പുകള്‍ കൂടുകൂട്ടുന്നു ,

സ്നേഹത്തിന്‍റെയാ മലതുരന്നതിനെ  വെറും  

പൊടിമന്കൂനയക്കുന്നു,

ഒരു വിഷമഴച്ചാറ്റലിലോ നാമപ്പോള്‍ 

വേര്‍പ്പെട്ടുപോകുന്നു .

വിശപ്പിലും വിചാരത്തിലും 

വാക്കിലും  വരയിലും 

ദൈവപ്പേരിലും തമ്മില്‍ത്തമ്മില്‍ 

അസഹിഷ്ണുതയുടെ വിഷദംശനമേല്ക്കുന്ന

ജനതയാകുന്നു നമ്മള്‍ .

നീലിച്ചു  പോകുന്നു  ,

എന്റെയും നിന്റെയും ബാക്കിവന്ന ജീവിതം .

ദേശമിന്ന് ,

അസഹിഷ്ണുതയുടെ കടുത്ത ചായം പടര്‍ന്നൊരു  

ഭൂപടം  മാത്രം !

വെട്ടുക്കിളികളെ പോറ്റുന്ന യജമാനന്‍മാരുടെ  

സിംഹാസനച്ചുവട് ,

സ്വാതന്ത്ര്യങ്ങളുടെ കല്ലറയൊരുക്കങ്ങളില്‍ 

കല്ല്‌ശേഖരിക്കുന്നവരുടെ ഇനിയും നീളുന്ന നിര .

ഒച്ചയില്‍  ഒഴുക്കില്‍ ,ഒരുമയില്‍ 

അണകെട്ടുന്നവരുടെ  അനക്കങ്ങള്‍ ,

അയല്‍ക്കാരന്റെ വിളക്കൂതുന്ന ആര്‍പ്പുവിളികള്‍ ,

അടുത്തുവരുന്നു .

വെളിച്ചത്തിന്‍റെ കമ്പളത്തില്‍ ആരോ 

ഇരുട്ടിന്‍റെയാ പഴന്തുണി 

പിന്നെയും തുന്നിച്ചേര്‍ക്കുന്നു ,

കറപിടിച്ച ഒരു  ചിരിചിരിക്കുന്നു .

വിശക്കുന്നവന്‍റെ അടുപ്പിലെ  

എണ്ണിത്തിളപ്പിക്കും ഉപ്പില്ലാത്ത വറ്റിനും

ഉച്ചയൂണ് നേരത്തെ ഒറ്റിക്കൊടുത്ത 

വറുത്തമീന്‍മണത്തെ വലിച്ചുകേറ്റിയ 

അവന്‍റെ മൂക്കിനും

പിഴചുമത്തേണ്ടതുണ്ടെന്നു

ഈ നൂറ്റാണ്ടിന്‍റെ ന്യായം 

നമുക്ക് മുകളില്‍ 

ചെങ്കോല്‍ നീട്ടുന്നു .

_____________________________

സോണി ഡിത്ത്

______________________________

P T അബ്ദുറഹ്മാന്‍ സാഹിബ് കവിതാപുരസ്കാരം 2016

കവിയും ഗാനരചയിതാവുമായ പി റ്റി അബ്ദുറഹ്മാന്‍ സാഹിബ് കവിതാപുരസ്കാരം 2016 പ്രശസ്ത സാഹിത്യകാരന്‍ ശ്രീ സുകുമാര്‍ കക്കാട് സാറില്‍ നിന്നും സ്വീകരിക്കാന്‍ ഉള്ള ഭാഗ്യം ഉണ്ടായി. കൂടെ പ്രിയപ്പെട്ട എഴുത്തുകാരായ അബു ഇരിങ്ങാട്ടിരി മാഷോടും പി.സുരേന്ദ്രൻ സാറിനോടുമൊപ്പം കുറച്ചു സമയം ചിലവഴിക്കാന്‍ സാധിച്ചതിലും സന്തോഷം തോന്നുന്നു .

സ്നേഹജാലകം ഒരുക്കിയ വേങ്ങരഫെസ്റ്റ് സംഘാടകര്‍ക്ക് .കൂടെ കഥ പ്രബന്ധം കവിതാ പുരസ്കാരങ്ങള്‍ക്ക് അര്‍ഹരായ മറ്റു കൂട്ടുകാര്‍ക്കും ആശംസകള്‍ .

*****************************************************

Recieving Navayugam K C Pillai award from Honorable MLA V S Sunilkumar .

http://malayalam.deepikaglobal.com/ucod/nri/UTFPravasi_News.aspx?newscode=64950&nriCode=NRI3&page=1

കെ സി പിള്ള സ്മാരക സാഹിത്യ പുരസ്കാരം - നവയുഗം

നവോദയ *കനവ് 2015 * കവിത മൂന്നാം സ്ഥാനം .

നവോദയ *കനവ് 2015 * Gcc യില്‍ നടത്തിയ കവിത മത്സരത്തില്‍ മൂന്നാം സ്ഥാനം നേടാന്‍ കഴിഞ്ഞതിലും , അനുഗ്രഹീത വേദിയില്‍ നിന്നും സ്വീകരിക്കുവാന്‍ കഴിഞ്ഞതിലും മുരുകന്‍ കാട്ടാക്കട എന്ന പ്രിയകവിയെ കാണുവാനും സംസാരിക്കുവാനും കഴിഞ്ഞതിലും സന്തോഷം തന്നെ- feeling blessed- നന്ദി നവോദയ * കവിതകള്‍ ഞാന്‍ വാങ്ങി സൂക്ഷിച്ചിട്ടുണ്ട് വായിക്കട്ടെ എന്ന് പറഞ്ഞ മുരുകന്‍ കാട്ടാക്കട സര്‍ നു എന്റെ കവിത വായിക്കുവാന്‍ എല്ലാ ക്ഷമയും കൊടുക്കണേ ദൈവേ ന്നു പ്രാര്‍ഥിക്കുന്നു.

ഒരു ചെറിയ സമ്മാനം കിട്ടി -ഈസ്റ്റ്‌ കോസ്റ്റ് - east coast -

എനിക്ക് വേണ്ടി എന്‍റെ അനിയത്തി സ്റ്റെഫി ഈസ്റ്റ്‌ കോസ്റ്റ്‌ന്‍റെ കവിതമത്സരത്തിനുള്ള പ്രോത്സാഹന സമ്മാനം ഏറ്റു വാങ്ങി .

Receiving the prize for a poem competition conducted by East Coast from Cine Actor Dileep at the "Movie Trailer and Song Visuals Release Function" for the upcoming movie "~~My Boss~~" produced by East Coast.(9-10-2012) EKM .