"നേര്ത്ത് നേര്ത്തൊരു ഷഹനായ്
ഈ മരുഭൂവിന് രാവിലിതേതു കടല്
തേങ്ങുന്നു !"
മരുഭൂവിന് ഉടലിലേക്ക്
പതിയെ
അഴിഞ്ഞു വീഴുകയാണീ മഴ .
വെയിലിനെ നനച്ചെടുത്തു ,
പകലില് നിന്നും ഊര്ന്നിറങ്ങുമ്പോള്
ഉന്മത്തയെപ്പോല്
മഴകുടിച്ച ഭൂമി .
കുതിര്ത്തു വിഴുങ്ങിയ
ശബ്ദങ്ങളെയും
പാകിയെടുത്ത തണുപ്പിനെയും ,
ഒരൊറ്റ ദിവത്തിലെ എലസ്സിലാക്കി ,
ശിശിരത്തെ
ആവാഹിച്ചെടുത്തിരിക്കുന്നീ
കാലം.
ശ്വാസത്തിന്റെ ഇത്തിരിച്ചൂടിലൂടെ ,
ഭീമന് ചിറകുകള് വിരിച്ചിറങ്ങുന്ന ,
തണുത്ത യാമങ്ങള് .
കമ്പിളിയുടുപ്പുകളിലേക്ക്
നടന്നു കയറുമ്പോഴൊക്കെയും
ചിന്തകളെ മുറിച്ച് ,
ചൂടുകായുന്നവരാകുന്നു നമ്മള് .
ആഴങ്ങളെ ഭോഗിച്ചവനെപ്പോല്
മഴയിതാ
കിതച്ചുകൊണ്ടേയിരിക്കുന്നു .
കാപ്പിക്കപ്പുകളുടെ അരികു ചേര്ത്ത്
ചുണ്ടുകള്
പ്രണയം പകര്ന്നുകൊണ്ടിരിക്കുന്ന
ഇടവേളകളില്
ഉറകള് പൊഴിച്ചിടുന്ന നാഗമാകും
തണുപ്പ്.
ഞാന് തൊട്ട കാറ്റും ,
നുണഞ്ഞിറക്കുന്ന ചൂടും തമ്മില്
കലഹിക്കുമ്പോള്
പുഞ്ചിരി വിതച്ചെടുത്ത്
സുഖം കൊറിക്കട്ടെ ഞാന് .
കാല്ച്ചൂടിലേക്ക്
പൂച്ചപ്പതുക്കങ്ങള് ചുരുണ്ടു ചേരുന്നു .
ചീവീടൊച്ചകള് ഒലിച്ചുപോയ
രാവിലിനി
മഴയൊരു പ്രാവായ് കുറുകട്ടെ .
ഇനിയുമെനിയുമെഴുതുക, അതില് നിന്നും ജീവന്റെ ചൂട് കായണമെനിക്ക്.!
ReplyDeleteമഴയുടെ കുളിർ ഞാനും ആസ്വദിച്ചു.........മഴയ്ക്ക് എന്റെ പ്രിയതമയുടെ മുഖമാണ്
ReplyDelete
ReplyDelete"മരുഭൂവിന് ഉടലിലേക്ക് പതിയെ അഴിഞ്ഞു വീഴുകയാണീ മഴ ."
ഇടതൂര്ന്ന മുടി അഴിഞ്ഞു വീഴും പോലെയാണ് എനിക്ക് ഫീല് ചെയ്തത് . . .
ആഹാ . . . അവള് ഇവിടെയും ഉണ്ട് വിട്ടുമാറാതെ പിന് തുടരുന്നവള് : കുഞ്ഞു പൂച്ച . . . . എവിടുന്ന് കിട്ടി ?
ReplyDelete"ചീവീടൊച്ചകള് ഒലിച്ചുപോയ
ReplyDeleteരാവിലിനി
മഴയൊരു പ്രാവായ് കുറുകട്ടെ .
>>>>>>>ഈ കവിതയുടെ ആത്മാവ് ഒടുക്കത്തെ ഈ വരികളില് തങ്ങുന്നു എന്നൊരു തോന്നല് .. . .
മെഴുകു തിരി വെളിച്ചം പകലില് നിന്നും ഊര്ന്നിറങ്ങുന്ന രാവിന്റെ വരവിനെ വിളിച്ചറിയിക്കുന്നു . .. . . .
ReplyDeleteചൂട് ചായകോപ്പ ചുണ്ടുകളില് പ്രണയം പകരാന് കൊതിക്കുന്നു . ..
ചുവന്ന റോസാപ്പൂവ് ആ പ്രണയത്തിന്റെ പ്രതീകമാവും . ..
പക്ഷെ ആ ട്രേ എന്താ ഇങ്ങനെ ?
അഴിഞ്ഞു വീഴുന്ന മഴയുടെ തഴുകലാണോ ആ ട്രേ ?
സോണാലിസയുടെ ചിന്തകള് എന്ത് മനോഹരം . . .. എന്ത് ഹൃദ്യം . . .. വല്ലാതെ മത്തുപിടിപ്പിക്കുന്നു . . .
ReplyDeleteമരുഭൂവിന് ഉടലിലേക്ക്
ReplyDeleteപതിയെ
അഴിഞ്ഞു വീണു പറ്റിപടരുകയാണീ മഴ
ആഴങ്ങളെ ഭോഗിച്ചവനെപ്പോല് ..മഴയിതാ ..
ReplyDeleteഅറം പറ്റിയ മഴയത്ത് , ഒരു മിന്നലിനായി കാത്തിരിക്കുന്നതുപോലെ സുന്ദരമായ വരികള് ..
താങ്ക്യു കൂട്ടുകാര് സ് വരികളെ ഇഷ്ടപ്പെടുന്നതിനു
ReplyDeleteനല്ല വരികള് സോണി. ഭാവങ്ങള് ഏറെയുള്ള വരികള് . ഇഷ്ടമായി .
ReplyDeleteനല്ല ഭാവന, വിശേഷിച്ചും ആദ്യഭാഗത്തിൽ. മഴയെക്കുറിച്ച് എന്തോരം കവിതകളാ! എന്നിട്ടും തീരുന്നില്ല, കവിതകളിങ്ങനെ പെയ്തു കൊണ്ടേയിരിക്കുന്നു!
ReplyDelete"കാപ്പികപ്പു.." എന്നത് "കാപ്പിക്കപ്പു..." എന്ന് തിരുത്തേണ്ടതുണ്ട്.
ഞാന് തൊട്ട കാറ്റും നുണഞ്ഞിറക്കുന്ന ചൂടും തമ്മില് കലഹിക്കുമ്പോള്
ReplyDeleteപുഞ്ചിരി വിതച്ചെടുത്തു സുഖം കൊറിക്കട്ടെ ഞാന് .....
കര്ത്താവേ .. ഇവിടെ ആദ്യാ ന്ന് തോന്നുന്നു.
ഏതായാലും ഒരു നല്ല കവിത വായിച്ചു മടങ്ങി പോവുന്നു !!
മനോഹര വരികള് . ചിലതൊക്കെ എത്ര പറഞ്ഞാലും പുതിയൊരു ഭാവത്തില് വീണ്ടുമൊരു സാധ്യത തുറന്നിടും
ReplyDeleteമരുഭൂമിയിലെ മഴ വരച്ചു കാട്ടിയത് നന്നായിട്ടുണ്ട് സോണി ചേച്ചീ ,ഞാന് വായിച്ച, ചേച്ചിയുടെ കവിതകളില് നന്നായി ഇഷ്ടം തോന്നിയതില് ഒന്ന്....ഒരൊറ്റ ദിവസത്തിലെ എലസ്സിലാക്കി ശിശിരത്തെ
ReplyDeleteആവാഹിച്ചെടുത്തിരിക്കുന്നീ
കാലം.....nice
ചീരാ മുളകെ കുഞ്ഞിത്തെറ്റ് കാണിച്ചു തന്നതിന് നണ്ട്രി ....
ReplyDeleteVery Nice One
ReplyDelete