നേര്ത്ത കാറ്റിന്റെ
വിരല്ത്തൊട്ട നിമിഷങ്ങളില്
തണുപ്പുടുത്ത എകാന്തതയ്ക്കുമേല്
ഒരു പക്ഷിയുടെ ശബ്ദം
പൊഴിഞ്ഞു വീഴുന്നു .
ദേവാലയ മണികള്
മഞ്ഞുപൊതിഞ്ഞ നിദ്രയിലേക്ക് ,
മൌനം ചേര്ക്കുമ്പോള് ,
മുടിയഴിച്ചിടുന്ന ഇരുളിന്റെ ചുരുളില്
ഗന്ധരാജന് ചേര്ത്ത് വയ്ക്കുന്ന
നനുത്ത സുഗന്ധമായ്
നീയെന്നെ ചേര്ത്ത് പിടിക്കുന്നു.
തേഞ്ഞു തീരുന്ന നിമിഷങ്ങളിലേക്ക്
വീഞ്ഞുപോലെ നുണയാന്
മുന്തിരികള് പൂവിടുന്ന
തോപ്പുകളിലാണ് ഞാനെന്റെ
സ്വപ്നത്തിന്റെ വിത്തുകളിപ്പോള്
ചേര്ത്തുവക്കുന്നത് .
നിശബ്ദതയെ ഞാന്
ഭംഗിയുള്ള വാക്കുകള് കൊണ്ട്
മുറിക്കുന്നു .
തളിരില് നിന്നും
ഉടുപ്പുകള് മാറിയുടുക്കുന്ന
ഇലകലെപ്പോലെ
കീഴേക്ക് പറക്കാന് പാകമാകുന്ന
ഓരോ ഇലകളാകുന്നു നമ്മള് .
വെന്ത വേനലിന്റെ ഉടലില്
ഒരു മഞ്ഞു ശലഭം
പാറിയണയുന്ന നിമിഷമേ
നോവറിഞ്ഞ മുറിവില് പടരുന്ന
കാറ്റുപോല് നീ .
പള്ളിമണികള് ഉണരുന്ന
പ്രഭാതത്തില് വിശുദ്ധമായ്
കുറുകുന്ന പ്രാവുകളെപ്പോല്
നാമിപ്പോള് പരസ്പരം
സമാധാനം ആശംസിക്കുകയാണ് .
__________________________
ഭൂമിയില് സന്മനസ്സുള്ളവര്ക്ക് സമാധാനം
ReplyDeleteഞാനിപ്പോള് സമാധാനം ആശംസിക്കുന്നു
ReplyDeleteലഹരിയിലമർന്നവയും ഞാനും
ReplyDeleteകവിതയെ പറ്റി വലിയ അവഗാഹം ഇല്ല...അതിനാല് കമന്റ് എന്നാ അതിസാഹസത്തിനു മുതിരുന്നുമില്ല..
ReplyDeleteഈ വഴി വന്നിരുന്നു എന്നറിയിക്കാന് മാത്രം.....
തേഞ്ഞുതീരുന്ന നിമിഷം വീഞ്ഞുപോലെ നുണയാനൊരു കവിത..ഇവിടം ആദ്യം അപ്പൊ ഇനിയും വരാം മറ്റൊരു തൃശൂര്ക്കാരന്
ReplyDeleteതേഞ്ഞു തീരുന്ന നിമിഷം വീഞ്ഞുപോലെ നുണയാൻ.. ഞാനും ശേഖരിച്ചു വെക്കട്ടെ.. ഈ നല്ല കവിതയെ പ്രശംസിക്കാൻ വാക്കുകളില്ല. കവിതയെക്കുറിച്ച് അധികമൊന്നുമറിയില്ലെങ്കിലും ഈ കവിത വായിച്ചപ്പോൾ ഡിസംബറിലെ ഒരു വയനാടൻ പ്രഭാതം ഓർത്തുപോയി. പ്രണയത്തിന്റെ കുളിരുള്ള ദിവസങ്ങൾ.. തിരിച്ചു കിട്ടാത്ത നിമിഷങ്ങൾ എന്തായാലും ഇനി മുന്തിരിത്തോപ്പുകളിൽ അവയെ സൂക്ഷിച്ചുവെയ്ക്കാം.
ReplyDeleteനല്ല കവിത സമ്മാനിച്ചതിനു വീണ്ടു അഭിനന്ദനങ്ങൾ..
അങ്ങിനെ ജീവിച്ചു തീര്ക്കും
ReplyDeleteഅപ്പോഴും
ആ ചുണ്ടില്
ഒരു ചിരി
ബാക്കിയുണ്ടാവും
ആശംസകളോടെ
അസ്രുസ്
മണ്ണിലേക്ക് സിരവറ്റി വീഴുന്ന ഇലകളാകുന്നു നമ്മള്,,,
ReplyDeleteനല്ല വരികള്... ആശംസകള്..
gud 1....congrats....
ReplyDeleteഅടുക്കിലും ചിട്ടയിലും കൊതിപ്പിക്കുന്ന വേവില്
ReplyDeleteഅതെ, താഴോട്ടു പറക്കുന്ന ഇലകള് തന്നെയാകുന്നു നാം
ReplyDeleteനന്നായിരിക്കുന്നു ആശംസകള്
കുറുകല് ഇഷ്ടമായി ആശംസകള്
ReplyDeleteകീഴേക്കു പറക്കാൻ പാകമാകുന്ന ഇലകൾ
ReplyDeleteഒരു സമാധാനം എന്റെ വകയും :)
ReplyDeleteപ്രണയക്കുറുകൽ ഇഷ്ടമായി,പ്രാവിന്റെയും കർത്താവിന്റേയും.
ReplyDeleteആശംസകൾ.
നന്നായിട്ടുണ്ട്
ReplyDeleteകൊള്ളാം ഭാവുകങ്ങള് - http://vidheesi.blogspot.com/
ReplyDeleteഒന്നും മനസ്സിലായില്ലെങ്കിലും ലേ ഔട്ട് വളരെ നന്നായി
ReplyDeleteനല്ല വരികള്
ReplyDelete