Labels

11.13.2012

പച്ച വെളിച്ചത്തിനുമപ്പുറം____




ഓരോ കാല്‍ച്ചുവടിലും
പടര്‍ന്നു പരക്കുന്നത്
ചന്ദനത്തിരിയുടെ ഗന്ധമാണ് .
പിന്നിട്ട വഴിയില്‍ ഇരുട്ട് ,
ഒരു സര്‍പ്പം പോലിഴഞ്ഞടുക്കുന്നു .
നിമിഷങ്ങളുടെ കനം
നേര്‍പ്പിച്ചെടുക്കുന്നു ,
പള്ളിമണികള്‍ മുഴക്കുന്ന
ഓരോ ശബ്ദതരംഗവുമെന്ന്
മരണപ്പെട്ടവന്‍റെ കൂദാശകള്‍ .

ഒറ്റ ശ്വാസത്തിന്‍റെ
ബന്ധനത്തില്‍ നിന്നും
മിടിപ്പുകള്‍
അപഹരിക്കപ്പെടുന്നവന്‍റെ
മേനിയില്‍ തണുപ്പിഴയുമ്പോള്‍
ജീവന്‍റെ കുടുക്കഴിച്ചു
മരണത്തിന്‍റെ വസ്ത്രം
പറ്റിപ്പിടിക്കുന്നു .

മെഴുതിരി നാളങ്ങള്‍
നിനക്ക് വേണ്ടി മൌനപ്രാര്‍ത്ഥന
ഉരുക്കുമ്പോള്‍ ,
തെളിഞ്ഞ ഉപ്പുനീര്‍
ഉറവകള്‍ വറ്റാന്‍ തുടങ്ങിയിരിക്കും .
ഞാഞ്ഞൂലുകള്‍ വഴികള്‍ കോറി
വഴുക്കി നീങ്ങുന്നത് കാണുമ്പോള്‍ ,
നീ നിന്‍റെ സന്തതിയെ
അറിയാതെഎങ്കിലും ഓര്‍ക്കുന്നുണ്ടോ ..?

പാത മുറിച്ചു കടക്കുന്നവന്‍റെ നിമിഷങ്ങള്‍
എനിക്കും നിനക്കും വേണ്ടി ,
പുറപ്പെട്ടുകഴിഞ്ഞു .
ഇനിയും നീ
കാണുന്നില്ലേ
പച്ചവെളിച്ചത്തിനും അപ്പുറം
ചുവപ്പിന്‍റെ സിഗ്നല്‍
കാത്തു നില്‍ക്കുന്നത് .
____________________________

14 comments:

  1. നല്ല അര്‍ത്ഥവത്തായ കവിത
    സോണി ..ഈ ഫോട്ടോ
    ഉഗ്രന്‍ ആയിട്ടുണ്ട്‌ ട്ടോ ..

    ReplyDelete
  2. താങ്ക്യു പൈമാ

    ReplyDelete
  3. nee jalakathil add cheythittundo ii blog ? ennale vayanakkar undakoo..

    ReplyDelete
  4. സൂചകങ്ങള്‍ കാണുന്നില്ല എന്ന് നടിക്കുന്നത് കരുതലുകളില്‍ നിന്നും ഒഴിഞ്ഞ് നില്‍ക്കാനുള്ള പുതിയ ലോകത്തിന്റെ അടവ്.
    സ്വയം വിശ്വസിപ്പിക്കാന്‍ പോലും കഴിയാത്ത ഒരു ഭാവിയുടെ ഇരകളായി തിടുക്കപ്പെട്ട് പായുകയാണ് വിഡ്ഢിക്കൂട്ടം
    തണുപ്പ് ഉള്ളില്‍ തന്നെയുണ്ട്, വേണ്ടത് അരിച്ചുകയറാനുള്ള ഒരു നിമിഷാര്‍ദ്ധം ...

    ReplyDelete
  5. നല്ല കവിത..ആശംസകള്‍ കേട്ടാ അതെന്നെ ...

    ReplyDelete
  6. കവിത നന്നായിട്ടുണ്ട്. ആശംസകള്‍

    ReplyDelete
  7. This comment has been removed by the author.

    ReplyDelete
  8. ആഹാ........! ഞാനിപ്പഴാ കാണുന്നെ.
    നന്നായി സോണീ..

    ReplyDelete
  9. കവിത നന്നായിരിക്കുന്നു
    ആശംസകള്‍

    ReplyDelete
  10. ഇരുട്ട്, മരണം, നിസ്സഹായത...കവിത നന്നായിരിക്കുന്നു. ആശംസകള്

    ReplyDelete
  11. എല്ലാവരും മറക്കാന്‍ ഇഷ്ട്ടപ്പെടുന്ന ഓര്‍മപ്പെടുത്തലുകള്‍....

    നല്ല വരികള്‍....ചിരിയ ഭീതി ഉളവാക്കുന്ന കവിത....

    എല്ലാ ഭാവുകങ്ങളും നേരുന്നു....

    സസ്നേഹം...

    www.ettavattam.blogspot.com

    ReplyDelete
  12. അതേ ഓരോ ചുവടും നടന്ന് തീർക്കുന്നത് മരണത്തിലോട്ടൂള്ള ദൂരം... ആശംസകൾ..ഈ ചിത്രങ്ങൾ എങ്ങനെ തിരയുന്നു എന്ന് എനിക്കൊന്ന് മെയിൽ ചെയ്യൂ പ്ലീസ്സ്

    ReplyDelete

" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്‍ക്കും ഇഷ്ടങ്ങള്‍ക്കും ഇഷ്ടക്കേടുകള്‍ക്കും "