** ******നിറഭേദങ്ങള് *********
നിറഭേദങ്ങളുടെ കൂട്ടുകാരനാം ,
ചിത്രകാരനായ് പ്രകൃതി.....
ഋതു ഭേദങ്ങളെ
ചമയിചൊരുക്കുന്നു ഇപ്പോഴും...
അവയില് പല നിറം
മാറ്റി വരയ്ക്കുന്നുവെങ്കിലും ...
ഏതു വര്ണ്ണത്തിലും
മനോഹരിയായിതാ നില്ക്കുന്നു.....
കാലത്തിന് കാന്വാസില്
ചലിക്കുന്ന ചിത്രങ്ങളായ് ഞാനും നീയും.......
ബാല്യ,കൌമാര,യൌവ്വന,വാര്ദ്ധക്യ
നിറങ്ങളില് തെളിയുന്നു......
ചായങ്ങള് വാരിചൊരിഞ്ഞോരാ
ബാല്യ കൌമാരങ്ങളും.....
തീക്ഷ്ണനിറങ്ങളാല്
നിറഞ്ഞോരു യൌവനവും ......
പിന്നെ ചോര്ന്നു പോം നിറങ്ങളില്
അവ്യക്തമാം വാര്ധക്യവും ....
അങ്ങനെയങ്ങനെ മങ്ങുന്ന നിറങ്ങളായ് ......
കാലത്തിലെവിടെയോ കളഞ്ഞുപോം
ചിത്രമായ മാറിടുന്നു......
കടുംവര്ണ്ണ നിറക്കൂട്ടില്
തുടങ്ങിയോരാ ചിത്രങ്ങള് ......
മങ്ങിയ നിറങ്ങളില്
തീരുന്നതെപ്പോഴോ ..........
പുതിയൊരാ ചിത്രങ്ങള് തന്
പണിപ്പുരയില് ഇപ്പോഴും .....
തുടരുന്നു ചിത്രകാരനാ ചിത്രതൂലികയുമായിന്നും........
പ്രകൃതി കാലത്തില് പതിച്ച ചിത്രങ്ങള് ....നിലനില്പ്പ് ഇല്ലാതവ....മറ്റൊന്നിന്റെ അടിത്തറയില് മാറ്റി വരയ്ക്ക പ്പെട്ടവര് നമ്മള്.....
ReplyDeleteYesKey Pilakkad മനുഷ്യ വിഹായുസ്സില് അറിയാതെ വന്നുകൊണ്ടിരിക്കുന്ന നിറ ഭേതങ്ങള് തീര്ച്ചയായും അവന്റെ ജീവിത സാഹചര്യങ്ങളെയും അവസ്ഥ യെയും അടിസ്ഥാനമായുള്ളതാണു. കേവലം വെളുപ്പില് നിന്നും (ശൈശവം) തുടങ്ങുന്ന കാഴ്ച പിന്നീടത് പല ഘട്ടങ്ങളിലും ഋതുഭേദങ്ങളെ പ്പോലെ മാറി മറിയുന്നൂ. വസന്തവും, ഘ്രീഷ്മവും, ശരദ്കാലവും, ശിശിരവും പ്രകൃതിയിലെന്നപോലെ മനുഷ്യ ജീവിതത്തിലും ബാല്യ, കൌമരാ, യൌവന വാര്ധക്യകാലത്തിനിടക്ക് ഋതുഭേദങ്ങള് നമ്മളിലെത്തിച്ചേരുന്നൂ.. എന്നിരുന്നാലും സത്യത്തിന്റെ നിറമായ വെളുപ്പാണ് ശാശ്വതമായ സത്യം എന്ന് നാം വിസ്മരിക്കുന്നൂ പലപ്പോഴും. ശൈശവകാല നിഷ്കളങ്കതയില് വെളുപ്പിനല്ലാതെ മറ്റേതു നിറത്തിനാണ് പ്രസക്തി?? ഈ ഒരു തിരിച്ചറിവുണ്ടായിട്ടും ബാഹ്യ ലൌകീകതകള്ക്ക് വേണ്ടി വര്ണ്ണലോകം കെട്ടിപ്പടുക്കാന് നിരന്തരം ശ്രമിച്ചുകൊണ്ടേയിരിക്കുന്നു.. ജീവിത സത്യം തിരിച്ചറിയുന്നവര് വിബ്ജിയോരിന്റെ 7 വര്ണങ്ങളെയും തിരിച്ചറിയുന്നുവെങ്കിലും പരമ സത്യമായ വെളുപ്പിനെ അവര് വിസ്മരിക്കുന്നില്ല.. സൌരയൂദ പ്രതിഭാസമായ വിബ്ജിയോരിനുപോലും സ്വന്തം സത്വമായ വെളുപ്പിനെ മറക്കാന് കഴുയുന്നില്ല പക്ഷെ മനുഷ്യന് വിസ്മരിക്കുന്നൂ.. ബിബ്ജിയോരിലെ പ്പോലെ തന്നെ. മനുഷ്യ ജീവിതത്തെയും ഭാഗങ്ങളായി തരം തിരിക്കാം (1) ശൈശവം, (2) സ്കൂള് കുട്ടി, (3) കൌമാരം, (4) യൌവ്വനം അഥവാ കാവല്ക്കാരന്/പട്ടാളക്കാരന്, (5) വളരെയധികം പക്വതയാര്ന്ന നിയമ പാലകന്, (6) പെന്ഷന് വാങ്ങിക്കുന്ന വീട്ടിലെ കാവല്ക്കാരനായും പിന്നീട് തിരിച്ചു ശൈശവത്തിലേക്കും ഉള്ള പ്രയാണത്തില് തിരിച്ചു വെളുപ്പാകുന്ന സത്യത്തിലേക്കും എത്തിച്ചേരുന്നൂ. നിറഭേതങ്ങള് ഒന്നും തന്നെ ശാശ്വതമല്ലെന്നും മറിച്ച് വെളുപ്പായ സത്യമാണ് എല്ലാത്തിന്റെയും ആധാരം എന്ന തിരിച്ചറിവാണ് മനുഷ്യന് ഉണ്ടായിരിക്കേണ്ടത്..
ReplyDelete