പുതിയതൊന്നുമില്ല

നിന്നെയോർക്കുമ്പോൾ

നിശാഗന്ധികളിൽ

നിലാവ് വീഴുന്നു,

നിഴലുകളിലും

നിറയുന്നു

നറുമണം!

_______________________

പുതിയതൊന്നുമില്ല

പഴയൊരു ഞാൻമാത്രമുണ്ട്

പുഴയോ പ്രണയമോ പൈങ്കിളിയോ ഇല്ല

പൂത്തും പടർന്നും

പാതിതീർന്നൊരു ജീവിതത്തിൻ്റെ

പര്യാപ്പൊറത്തിൻ്റെ

പരുക്കൻ നിലത്തിരുന്ന്

പച്ച കപ്പലണ്ടിയുടെ

പുറംതോടടക്കം വെർതെയിങ്ങനെ

പുഴുങ്ങിത്തിന്നിരിക്കുന്നു

പൂച്ചയ്ക്കും കാക്കക്കും

പുഴുങ്ങലരിയൂറ്റി ചോറ് കൊടുക്കുന്നു..

___________________________

സ്നേഹത്തോടെ ചുംബിക്കുക

വിശപ്പോടെ ഭക്ഷിക്കുക

തളരും മുന്‍പേ വിശ്രമിക്കുക

മറ്റൊരാളുടെ തോളില്‍ കയ്യിടുമ്പോള്‍

അത്രയും കനമില്ലെന്നു തന്നെ

തിരിച്ചറിയട്ടെ അവര്‍

നമ്മുടെ ജീവിതം

_________________________

ജീവിതം തുളുമ്പുമ്പോള്‍

കണ്ണീരെന്നും ആനന്ദമെന്നും രണ്ടു പേരിടുന്നു .

ചുണ്ടിലെപാതയില്‍കരച്ചിലോ ചിരിയോ കൊളുത്തിയിട്ട

ഒരു സൈക്കിള്‍ മണിയടി കടന്നുപോകുന്നു .

______________________

:: എന്നെ ഇഷ്ടമാണോ

-- ഉംo

:: ഭൂമിയോളം ആകാശത്തോളം ഇഷ്ടമാണോ?

-- അല്ല

:: പിന്നെ ?

-- എൻ്റെ .... ഹൃദയത്തോളം

______________________