1) ഒരുറക്കം കൊണ്ട്
മുറികൂടുന്ന ഒന്നാണ് പലപ്പോഴും
ഉണര്വ്വിന്റെയാ മുറിവുകള് .
__________________________________
2) വേനലെത്ര ഞെരിച്ചുകളഞ്ഞാലും
വസന്തം ആഞ്ഞൊരുമ്മവച്ചാല്
ജീവന്വയ്ക്കാവുന്നതേ ഉള്ളൂ ചില നമ്മള് !
___________________________________
3) ഗ്രീഷ്മം തൊട്ടു നോക്കുമ്പോള്
വസന്തം
ആമത്തോടിനുള്ളിലേയ്ക്കെന്നപ്പോലെ
ചുരുങ്ങിപ്പോകും ,
വിഷാദം തൊട്ടു നോക്കുമ്പോള്
വസന്തം ഒന്നാകെ മോന്തിയ
ആ പാനപാത്രം നാം പാടെയും
മറന്നു കളയും .
_________________________________
4) ഒരു ഉലഞ്ഞ ഹേമന്തത്തിനപ്പുറമിപ്പുറം
നാം നില്ക്കുമ്പോള്
ഇന്നീ വേനലിന്റെ പൂമണം
നിന്റെ ചിരിയുള്ള ചിത്രത്തില്
ചാര്ത്തുന്നു ഞാന് .
_________________________________
5) മരണം കൊണ്ട് സുഖപ്പെടുന്ന
ഒരസുഖം മാത്രമാണ്
ജീവിതം !
_________________________________
6) ഓര്മ്മകള് പൂക്കുന്ന ഒരുമരമാണ് ഏകാന്തത
നിറയെ ഓര്മ്മകള് ശൂന്യമാകുന്ന മരുവിടവും അതുതന്നെ !
______________________________
7) മഴയുടെ എഴുത്താണി തൊടുമ്പോള്
ഭൂമിയില് പച്ചയക്ഷരങ്ങള്
കാറ്റിന് കുളിര്ക്കൂവലുകള്
പായല് വകഞ്ഞു മത്സ്യലിപികള് !
___________________________________
8) നാം നമ്മെത്തന്നെ ഉമ്മവച്ചുകൊണ്ടിരിക്കുമ്പോള്
കാണാതെയാകുന്നു ഒരു ലോകംമുഴുവനെത്തന്നെയും.
___________________________________
9) ഓര്മ്മകളില്ലാതാകുന്നിടം വരെ
ഓരോരോ ഓര്മ്മയെ
നട്ടു പോകുന്നു നാം.
***********************************
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "