ഇത്രമേല്‍
അലങ്കരിക്കാതിരിക്കുന്നതെങ്
ഋതുക്കളാലീ കല്ലറകളെ !
സ്പന്ദിക്കുന്ന പുസ്തകത്തില്‍ നിറയെ
തളിര്‍ത്തും വരണ്ടും
ചരിത്രത്തിലേയ്ക്ക് വളരുന്നവരുടെ
ശ്വാസത്തിന്റെ
അര്‍ദ്ധ വിരാമങ്ങളും പൂര്‍ണ്ണ വിരാമങ്ങളും .
ആകാശത്തിലുറഞ്ഞു പോയ
നക്ഷത്ര ഫലകങ്ങള്‍
ഭൂമിയെ തൊടുവിച്ച
പൂവിതള്‍ക്കുറികള്‍
ഈ പ്രപഞ്ചത്തെക്കാള്‍
വലിയൊരു ശ്മശാനമുണ്ടോ !
നാളത്തെ മരണങ്ങള്‍ക്കു മീതെ
വെളുത്തും നഗ്നമായും
നിറങ്ങള്‍ വിതച്ചിട്ടും
മഴയുഴുതും
കാലങ്ങള്‍ക്കു മീതെയൊരു കാവലാള്‍
ഈ ചുടലകളെത്ര വിദഗ്ദമായ്‌
പണിതു വയ്ക്കുന്നു !
__________________________
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്‍ക്കും ഇഷ്ടങ്ങള്‍ക്കും ഇഷ്ടക്കേടുകള്‍ക്കും "