മഴ
സ്നേഹമായടരുന്ന
കണ്ണുനീര് പോലെ
തീരാതെ പെയ്യുന്ന
ഓര്മ്മകള് പോലെ
*************
മഴ
വേനലിലേയ്ക്ക്
ആഴ്ന്നിറങ്ങും
ജലച്ചില്ലുകള് .
ചൂടിലേയ്ക്ക്
പറന്നിറങ്ങും
ജനിമൃതി തന്
താളം .
*************
മഴ
വെളുത്ത ചെമ്പരത്തില്
വെളുക്കെച്ചിരിച്ച്
വെയിലിന്റെ
നരച്ച കണ്പീലികള്ക്കിടയില്
കാണാതെ പോകുന്നത് .
മണ്ണിന്റെ മാറിലെ
പച്ചരോമങ്ങള്ക്കിടയില്
മുഖം പൂഴ്ത്തി
മറഞ്ഞു പോകുന്നവള് .
***********************
മഴ ***********************
പ്രളയമായ്
പ്രണയമായ്
ആകെയുലയ്ക്കുന്ന
ആകാശ വികാരങ്ങളുടെ
ജലലിപികള് .
***************
മഴ
കാറ്റേറ്റ്
പൊഴിയും
മേഘപ്പക്ഷിയുടെ
സ്ഫടികച്ചിറകുകള് .
*************
മഴ
പനിച്ചൂടിലേയ്ക്ക്
അമ്മയുടെ കൈത്തണുപ്പുമായ്
കാമുകന്റെ ചുംബനച്ചൂടിലും
വിളര്ത്തു വിയര്ത്തവളുടെ
നാണത്തണുപ്പുമായ്
വാരിപ്പുണര്ന്ന
മരണത്തിന്റെ ബലിഷ്ടതയില്
നിസ്സഹായതയുടെ
തണുപ്പുമായ് .
****************
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "