1) കണ്ടെത്തിയത്
ബാല്യത്തിലേയ്ക്കൂളിയിടുമ്പോഴും
വാര്ദ്ധക്യത്തിന്റെ ചൂണ്ടയില്
പിടയ്ക്കുമ്പോഴും
നിന്നിലെയ്ക്ക് ഓടിയെത്തുന്നു
ചില വെളിച്ചങ്ങള് ,
വെയിലേറ്റു മിന്നുന്ന
വര്ണ്ണച്ചെതുമ്പലുകള് സമ്മാനിച്ച്
തിരികെ മടങ്ങുന്നവ .
2 ) അറിയുക
മൌനത്തിലേയ്ക്ക് വളരുന്ന
ചെടിയാണു നീ,
കാലം മുളപ്പിച്ചതൊക്കെയും
അടയാളങ്ങള് മാത്രം
ഓര്മ്മയുടെ പാടുകള് !
3) പൊള്ളയായത്
കവിതകളല്ല ,
ഏതോ കവി പറിച്ചെറിഞ്ഞ
കളകളാണെന്റെ വരികള് ...
മുളപ്പിച്ചതല്ല ,
പാഴ്നിലം പോറ്റിയ
വിത്താണെന്റെ ചിന്തകള് ...
പടരുന്നതല്ല ,
തളിര്ക്കുവാനറിയാത്ത തണ്ടിന്റെ
നെടുവീര്പ്പാകുന്നു ഞാന് .
****
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "