മണിയൊച്ചകള്‍ പ്രാര്‍ത്ഥിച്ചു തീര്‍ന്നിട്ടും
ഇരുചക്രവാഹനം കുശലം പറഞ്ഞ്
ദേവാലയത്തിലെത്തിക്കാതെ
വഴിതെറ്റിച്ചു മേരിയമ്മയെ .
ആദ്യ നോക്കില്‍ത്തന്നെ
സ്നേഹം മുഴുവനും കുറുക്കികൊടുക്കാന്‍
കൊതിയിറ്റി കാത്തുനിന്നു ,
കീറുനോവില്‍ മയങ്ങിപ്പോയവള്‍ക്കായ്
കണ്ണീര്‍മുഴുവന്‍ ബാക്കിവച്ചു
കരയിക്കാതെ കൊണ്ടുപോയി
ആദ്യ കണ്മണിയെ ....
അവളുടെ വെളുത്ത നായ്ക്കുട്ടി
തണുത്തുപോയ ഉച്ചയിലും
നിഴലില്ലാത്ത ലിപികളില്‍
അവന്‍റെയാ കുറിമാനം
കണ്ണിറുക്കിയതാണ് ,
അപ്പോഴെല്ലാം വീണ്ടും വീണ്ടും
പകലുകളിലേയ്ക്കില്ലം കടത്തിയാരോ
ജീവിതത്തെ രക്ഷപ്പെടുത്തുന്നുണ്ടായിരുന്നു .
പിണക്കം മുദ്രവക്കുന്ന മിടിപ്പുകളില്‍
പതിയിരുന്നോ
കാമുകന്‍റെ വേഷത്തിലോ
എപ്പോഴാണിനി ജീവിതത്തെ കൊണ്ടവന്‍
ഒളിച്ചോടുന്നതെന്നറിയില്ല ..
അത്ഭുതം തന്നെ
എത്ര പെട്ടെന്നാണിങ്ങനെ
മരണമെന്ന തീവ്രവാദി
ജീവിതത്തെ ഹൈജാക്ക് ചെയ്ത്
നമ്മോടു വിലപേശുന്നത് !
***************************
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്‍ക്കും ഇഷ്ടങ്ങള്‍ക്കും ഇഷ്ടക്കേടുകള്‍ക്കും "