മതങ്ങളുടെ നിറങ്ങളില്
വികാരങ്ങള് ചാലിച്ചു
വേര്തിരിച്ചു ചോരച്ചുവപ്പിനെ ,
ഒന്ന് മറ്റൊന്നില് നിന്നും
തികച്ചും വ്യത്യസ്ഥമെന്ന്
തലക്കെട്ടുകള്
ഒട്ടിച്ചു ചേര്ത്തു .
ഇപ്പോള് പ്രദര്ശന ശാലയില്
എന്തൊരു തിക്കും തിരക്കുമാണ്
ആധുനികതയുടെ
വിചിത്ര ചായക്കൂട്ടില്
പുരാതന മതഭാവങ്ങളുടെ
ചിത്രസമ്മേളനം .
അര്ത്ഥതലങ്ങള് അനന്തമത്രേ....
അന്തംവിട്ട്
എന്തൊരു മഹാസൃഷ്ടിയെന്നു
താടിതടവി തലപുകച്ച്
ചിന്തയുടെ വക്രിച്ച മുഖങ്ങള്
ഒറ്റപ്പെട്ട ഉറുമ്പുകള്ക്കൊപ്പം
ഒറ്റയടിവച്ചളന്ന് കടന്നുപോയി .
അപ്പോഴെല്ലാം
ഇരുണ്ട മൂലയില്
തലകുനിച്ചു നില്ക്കുകയായിരുന്നു
പ്രാചീന ശിലായുഗത്തിലെവിടെയോ
മുഖം നഷ്ടപ്പെട്ട
മായം കലരാത്ത
മനുഷ്യന്" എന്ന
വിലകുറഞ്ഞൊരു ചിത്രം .
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "