ഹൈക്കുസ് പോലെ

1: സൂര്യചുംബനമേറ്റ രാവ് 

തടാകത്തിലേകയാം പൂവില്‍ 

പുലരി വിരിയുന്നു

2: നിഴലുകീറിയൊരാ 

നീര്‍മരുതിന്‍ ഇലകള്‍ 

പ്രഭാതം കൊത്തിപ്പറക്കുന്നൂ പക്ഷികള്‍

3: നനവിറ്റി തീവണ്ടി ജാലകം 

നീലവിരി പാതിപകുത്ത്

ഇമയനക്കങ്ങള്‍ മറന്നൊരു കുട്ടി

4: മുടിയിഴകളിലദൃശ്യ വാത്സല്ല്യം 

രാവ് പാതിയും കണ്ണീര്‍ ചുമന്നു 

തലയിണ

5: കുറുകും പ്രാക്കളില്ല

മഞ്ഞുകാലം ചുംബിച്ചോ -

രെഴുത്തുപെട്ടി 

6: വിരസ സായന്തനം 

എരിച്ചു തീര്‍ക്കുന്നൊരു 

ചുരുട്ടിന്‍ കണ്ണ്‍

7: നനഞ്ഞ സായന്തനം 

കാറ്റുലച്ച ചില്ലമേല്‍ 

ചിറകുണങ്ങാക്കിളി കരയുന്നു

8: കരിനീലക്കിളി 

കരഞ്ഞു കരഞ്ഞിരുള്‍ മുറിയ്ക്കവേ 

നിവര്‍ത്തുവാനിനിയൊരു 

നിഴലില്ലെന്ന്‍ മരമുറിവ് .