1) അഹം
എനിക്ക് മുന്നില്
ഒരൊച്ചതിന് രാജ്യവുമായ്
വന്നു നില്ക്കുന്നു .
ഞാനോ
വെറും
പ്രജയുടെ അടിമത്വത്തില്
നിവര്ന്നു നിന്നുകൊണ്ടതിനു നേരെ
മുഖം കോട്ടുന്നു .
2) ഭ്രാന്തം
ചിന്തകള് കിടപ്പിലാണ്
മതം മതം എന്നുരുവിട്ട്
കല്ലുരുട്ടി
മനസ്സ്
ഭ്രാന്തനായിപ്പോയതിനാല്
അന്നം കൊടുക്കുവാന്
ആളില്ലാതെന്
ചിന്തകള് കിടപ്പിലാണ് .
3) മോണാലിസ
മന്ദഹസിക്കുന്നേയില്ല
അന്നുതൊട്ടിന്നോളം
ചിത്രം വരയ്ക്കാനൊരേ
നില്പ്പാണ് ..
എന്നിട്ടും
നിന്നെ നോക്കുന്നോരോ
കണ്ണുകളിലും
നീയിപ്പോഴും
വെള്ളം വീഞ്ഞെന്നപോല്
പരിഭാഷപ്പെട്ടുകൊണ്ടിരിക്കുന്നു .
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "