നക്ഷത്രക്കണ്ണുള്ള
കുട്ടികുപ്പായക്കാരെ
ആരാണ്
കൊളുന്ത് നുള്ളും ലാഘവത്തോടെ
ജീവിതത്തില് നിന്നും
മരണത്തിലേയ്ക്ക്
നുള്ളിയെടുക്കുന്നത് ?
മുറിവുകളുടെ പാട്ടുകാരിപ്പോള്
ഏതേതോ രാഗങ്ങളുടെ സന്തോഷത്തെ
കണ്ണുനീരിറ്റിച്ചു കാച്ചിയെടുക്കുന്നു .
വാക്കുകള് തിണര്ത്തുപോയ
കാറ്റിനെ
നിറങ്ങള് അടര്ന്നുപോയ
സ്വപ്നങ്ങളെ
കൊഞ്ചലുകള് പിണങ്ങിപ്പോയ
കാലത്തിനെ
എല്ലാമെല്ലാം പിന്നിലാക്കി ,
മൃതിയുടെ രുചിയുള്ള
ഭീതിയുടെ മിടിപ്പുകളുള്ള
കാല്വേഗങ്ങളില്
നഗരങ്ങളെ ശൂന്യമാക്കുകയാണവര് ,
വേദനകളുടെ
പാനപാത്രം കുടിച്ച്
വിലാപത്തിന്റെ
സുവിശേഷമുരുവിട്ട്
കലാപത്താല് വിശുദ്ധരായവര്
.................... ,
ജന്മദേശത്തെ അഭയാര്ഥികള് .
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "