ഓര്മ്മകളുടെ വിത്തിനുള്ളില്
ചവച്ചെറിഞ്ഞവരുടെ
ഉന്മാദങ്ങളുടെ
ചവര്പ്പറിയുന്നവള്. .
മുറിവേറ്റ ചില്ലക്ഷരങ്ങളായ്
ഉലയുന്ന ചിലര്
ന്യായം ഇറുക്കിപ്പിടിച്ചവളുടെ
ഭ്രമണപഥം നൂണ്ടുവലയുന്നു .
നീലിച്ച പകലിലേക്ക്
ശലഭങ്ങള്
ചിറകൊതുക്കുമ്പോള് ,
വാര്ത്തകളുടെ
ആവനാഴിയില് നിന്നും
മുറിവേറ്റവരുടെ ഗദ്ഗദങ്ങള്
ആക്രോശിക്കുന്നവന്റെ
തൊണ്ടമുഴക്കം ,
ഹീമോഗ്ലോബിനില്
വേലിയേറ്റങ്ങള്
കുലുക്കിയെടുക്കുന്നവന്റെ
മുഷ്ടിച്ചുരുക്കങ്ങള്
മുഖം മായ്ടുച്ചെടുത്തും
പൊതിഞ്ഞുകെട്ടിയും
കളഞ്ഞുകിട്ടിയ ഉരുക്കളെ
മേയ്ച്ചു നടക്കുന്ന
ന്യായപ്പറമ്പുകള് ,
എല്ലാം
വീണ്ടും വീണ്ടും
അവള് രുചിക്കാത്ത
ഞാവല്പ്പാടുകളുടെ
ചവര്പ്പറിയിച്ചു-
കൊണ്ടേയിരിക്കുന്നു .
_____________________
എല്ലാം
ReplyDeleteവീണ്ടും വീണ്ടും
അവള് രുചിക്കാതെ
ഞാവല്പാടുകളുടെ
ചവര്പ്പരിയിച്ചു
കൊണ്ടേയിരിക്കുന്നു
നീലിച്ച പകല്? നിക്ക് മനസിലായില്ല?ചുവപ്പണിഞ്ഞ പകല് എന്ന് വെച്ചാ വൈകുന്നേരം ആയിന്നു വെക്കാം...
ReplyDelete