Labels

8.12.2012

Haiku

അന്തിവാനത്ത് 
ജപമാല തീര്‍ത്ത്‌ 
പക്ഷിപ്പട .
************************
പ്രഭാതത്തിലെ 
മഞ്ഞുതുള്ളികള്‍ക്കെല്ലാം
പുല്ലിന്‍റെ മുഖം .
************************
പുസ്തകത്താളിലെ 
വരകളിലൂടെ 
വരിതെറ്റിയൊരുറുംമ്പ് .
************************
ഇലകൊഴിഞ്ഞ മരത്തണലില്‍ 
ഉണങ്ങി വളഞ്ഞ പാഴ്ച്ചെടി രൂപം ,
ഒരു വൃദ്ധന്‍ .
*************************
കുതിരയ്ക്കൊപ്പം 
കുതിക്കുന്നു അതിന്‍ 
പാതി നിഴല്‍ .
*************************
ഗൃഹാതുരതയുടെ 
പൊന്തക്കാട്ടിലായ് 
മുയല്‍പ്പതുക്കങ്ങള്‍ .
*************************
മേഘപ്പാടങ്ങളില്‍ 
മയങ്ങുന്ന
മഴ വിത്തുകള്‍ .

**************************
ഇരുളുടുപ്പൂരുന്നു 
വെയില്‍ വിളക്കേന്തി 
പുലരിപ്പെണ്ണ്‍ .
**************************
ഓര്‍മ്മച്ചിതയിലായ് 
ചാരത്തിലൊളിച്ചിരിപ്പൂ
ഒരു നുള്ള് കനല്‍ .
********************
ശലഭസ്പര്‍ശം 
അരുതെന്ന് വിലക്കുന്നൂ തനുകൂമ്പിയോരാ 
തൊട്ടാവാടിച്ചെറുമിയവള്‍ .
**********************

ചിരിച്ചു മറിയുന്നു 
ഇളം കാറ്റിക്കിളിയാക്കിയ 
പുസ്തകത്താളുകള്‍ .
*************************






No comments:

Post a Comment

" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്‍ക്കും ഇഷ്ടങ്ങള്‍ക്കും ഇഷ്ടക്കേടുകള്‍ക്കും "