8.27.2012

HAIKKU

ആഴ്ന്നിറങ്ങി
വേനല്‍ സൂര്യന്‍
ചത്ത്‌ മലച്ച് ഒരു കുഞ്ഞു തടാകം .
***********************************
തിരി ദൈവത്തിനു അര്‍ച്ചനയായ്‌
പൊഴിഞ്ഞു വീഴുന്നു
മഴത്തുമ്പികളുടെ പ്രാര്‍ഥനകള്‍ .
***********************************
രുചിമുകുളങ്ങളെ ഇക്കിളിയാക്കുന്നു
ഉപ്പില്‍ വീണുറങ്ങിയ
ഒരു ചീന്തുമാങ്ങ .
***********************************
പൂവിന്‍
സുഗന്ധത്തിലുമ്മവച്ചിരിപ്പൂ
പ്രണയം പകര്‍ന്നൊരു ശലഭം .
***********************************
നിദ്രയുടെ
തറിയില്‍ നെയ്ത പട്ടു സ്വപ്നം
ഊരിയെറിഞ്ഞ് ഉണര്‍വ്വ് .
***********************************
പകല്‍ക്കിനാവിലെയ്ക്ക്
കൂടുമാറ്റം നടത്തി
നിദ്രയുടെ വിരുന്നുകാര്‍ .
***********************************
പ്രായം നനച്ച
കടലാസുതോണി
എന്റെ ജീവിതം
***********************************
വിരല്‍ത്തുമ്പില്‍
നിന്നൂര്‍ന്നിറങ്ങുന്നൂ
ബോണ്‍സായി കവിതകള്‍ .
***********************************
വെയിലില്‍ നരച്ചും
മഴയില്‍ കുതിര്‍ന്നും
ഒരുപിടി ഓര്‍മ്മമണം.
************************************