പക്ഷിയെ നോക്കി
ചിത്രം തീരുന്നതും കാത്തു ഞാന്‍
വീണോരാ മരം
തേങ്ങിക്കൊണ്ട്
നിഴല്‍ തിരികെ ചോദിക്കുന്നു
ആകാശത്തിന്‍റെ
അതിരുതേടി ഒരു കാറ്റ്
നക്ഷ്ത്രങ്ങളോട് വഴി ആരായുന്നു
വസന്തത്തില്‍ വഴിതെറ്റി
ഒരു കുഞ്ഞു ചിത്ര ശലഭം
പാറി നടന്നു .
ഒരു മഴത്തുള്ളി തട്ടിയിട്ട
പൂവിതള്‍ കുടയാക്കി ഉറുമ്പുകള്‍
വേഗത്തില്‍ കൂട്ടിലേക്ക്
ഒരു മണിശബ്ദം
മണിയോട് തിടുക്കത്തില്‍
യാത്ര പറയുന്നത് കേട്ടു
എനിക്കിനി എന്‍റെ കാര്യം
എന്‍റെ കൂട്ടില്‍
ഞാനുമൊന്നു മയങ്ങട്ടെ
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്‍ക്കും ഇഷ്ടങ്ങള്‍ക്കും ഇഷ്ടക്കേടുകള്‍ക്കും "