തഴച്ചില്ല ഒരാകാശം നിറയെ
കറുത്തമുത്തിയുടെ പാട്ട്,
പൊഴിച്ചില്ല ഒരു വേനല് പരക്കെ
വെളുത്ത മുത്തശ്ശിയെറിഞ്ഞ വറ്റും.
തളിര്ത്തില്ല പച്ച രോമങ്ങള്
കുന്നിന് നെറുകിലും,പാടത്തും .
നീന്തിത്തുടിച്ചില്ല
വെള്ളത്തിന്റുണ്ണികളാ
പുഴയിലും.
മുറ്റം നിറയെ,
ഓരില ഈരില പെയ്തു നിറഞ്ഞൂ,
കരിഞ്ഞു പറന്നു .
ഇന്നിതാ നീയും ഞാനും
വിയര്ത്തെറിയുന്നു
വടിച്ചെറിയുന്നൂ ,
ഒരുമിച്ചു കൊയ്യുന്നൂ
നമ്മള് നട്ടു വളര്ത്തിയെടുത്തൊരു
വേനലിന് കൊടുംവിളവിനെ .
പിന്നെ
വെന്ത വേനലും വിഴുങ്ങി
നമ്മളൊന്നൊന്നായി
വരണ്ടുപോകുന്നു വിണ്ടുപോകുന്നു
വിഷാദം നീറുന്നു .
No comments:
Post a Comment
" നന്ദി സുഹൃത്തെ ഈ വഴി വന്നതിനും വായനക്കും അഭിപ്രായങ്ങള്ക്കും ഇഷ്ടങ്ങള്ക്കും ഇഷ്ടക്കേടുകള്ക്കും "