ഒറ്റയൊറ്റയായ്
പറിച്ചു നടപ്പെടുന്ന
വേനലുകള്
വയ്ക്കോല് മഞ്ഞയിലേക്ക്
പാഞ്ഞു കയറുന്ന
തിളക്കങ്ങള് പോലെ
അവ പൊടുന്നനെ
ഇണചേരുകയും
തന്നിലേക്ക് തന്നെ
അപ്രത്യക്ഷമാകുകയും
ചെയ്യുന്നു .
മഞ്ഞക്ക് കീഴെ
അടയിരിക്കാനെത്തുന്ന
ഗൃഹാതുരതയുടെ
ലഹരിയാകുന്ന
പച്ച
പച്ചയെന്നു
അബോധത്തില്
ഉറക്കെകരയുമ്പോഴും
നീയൊരു
വേനലിന്റെ സമൃദ്ധിയില്
ഒറ്റപ്പെട്ടു പോയ
മഴയൊച്ച മാത്രമെന്ന്
ഉറക്കെച്ചിരിക്കാനൊരു
തണല് പോലുമില്ലാതെ
ശൂന്യമാകുന്നു .
കുഞ്ഞേ
ഇതാ നിനക്കൊരു
വെടിയൊച്ചയുടെ താരാട്ട്
ഏങ്ങലുകളുടെ ഈണം .
ശലഭങ്ങളില്ലാതെ
പൂവനക്കങ്ങളില്ലാതെ
വേര്പ്പെട്ടു പോകുന്നോരാ
വേനലുകള് നമ്മള്,
മഞ്ഞിച്ചു മഞ്ഞിച്ചു
മരിച്ചു പോകുന്നോരാ
പച്ചകള് .
ഉയിര്ത്തെഴുന്നേല്---_
ക്കാനാകാത്ത വിധം
വേനലുകളില് നാം
ബന്ധിതരായിരിക്കുന്നു
വേനല്
കാട് പോലെ സമൃദ്ധവും
വീട് പോലെ
ശൂന്യവുമായിത്തീരവേ
ഞാന് ഞാനെന്ന മന്ത്രത്തില്
നാം അപ്രത്യക്ഷരാകുന്നു .
************************
മഴ പെയ്തതറിഞ്ഞില്ലേ.....!!??
ReplyDelete